Персоналии

Учууталларбытын убаастыыбыт

АТЛАСОВА Светлана Васильевна

Мин Тyбэ начальнай оскуолатыгар 1953-54 yе.с. "О" кылааска yерэнэ киирбитим. "О" кылааска биhигини Ильин Петр Ильич диэн учуутал yерэппитэ. Ол са5ана оскуолабыт "Культура5а" танара дьиэтигэр этэ. Бу оскуола5а 0-3 кылааска диэри yерэммитим. 4 кылаас о5ото а5ыйах буолан аhыллыбата5а. Уhус кылааhы yhyе эрэ буолан бутэрбиппит. Ол иhин биhигини Бетун сэттэ кылаастаах оскуолатыгар yерэттэрэ ыыппыттара.

Биhигини 1-3 кылаастарга диэри Турнина Анастасия Егоровна диэн учуутал yерэппитэ. Нуучча тылыгар со5уруу дойдуттан кэлбит, нуучча кыыhа София Яковлевна диэн учуутал yерэппитэ. Маннай yерэнэрбитигэр нууччалыы билбэт буоламмыт олус эрэйдэммиппит.

Тyбэ начальнай оскуолатыгар yерэнэр эрдэхпинэ куhуннyтyн, интернат аhыллыар диэри, беhyелэктэн сатыы "Культура5а" баран yерэнэр этибит. Онтон кыhыннытын неполнай интернат диэн аhыллар этэ. Онно олорон yерэнэр этибит. Интернаппытын иhин-таhын бэйэбит керyнэр этибит. Уубутун, маспытын барытын бэйэбит бэлэмниирбит. Ол кэмнэ о5олор бары кыратыттан улаханыгар диэри наhаа эйэлээх, бэйэ-бэйэбитигэр кемелесyhэр этибит. Улахан о5олор кыра о5олору бэйэлэрэ керен-истэн сылдьар этилэр.

Учууталларбытын наhаа убаастыыр, тугу этэллэрин барытын толорор этибит. Сыл ахсын саас аайы yерэх сыла бyтэригэр пионерскай костер диэн буолара. Онно yерэнээччилэрдиин, учууталлардыын, тереппyттэрдиин бары мустан оонньоон-керyлээн, араас кyрэхтэhиилэргэ кyрэхтэhэн, yерэн-кетен туран тар5аhар этибит.

А5ыйах хонук сынньана туhээт, колхоз yлэтигэр кемелеhер этибит. Кирпииччэ yктээhинигэр, о5уруокка, от yлэтигэр yлэлии барарбыт.

АТЛАСОВА Светлана Васильевна
Алтынньы ый 1994 сыл