Персоналии

О5олорум барахсаттар...

СТРУЧКОВ Федот Семенович

Мин 1976 сыллаахха Тyбэ 8-ыс кылаастаах оскуолатыгар yлэбин са5алаабытым (yлэ, уруhуй, черчение учууталынан). Yлэлиир кэммэр директорынан Зверев Дмитрий Сергеевич yлэлээбитэ. 6-ыс кылааска кылаас салайааччытынан сылдьыбытым. Онно Никонова Н., Охлопкова В., Дьяконова М., Дьяконова В., Дьяконов Б., Никонов П., Лукавин уонна да атыттар yерэнэллэрэ.

Директорым кенyллээhининэн фотокружок ыыппытым, фотолабораториялаах этибит.

Мастерской эмиэ баара. Мин кэлэрбэр мастерской наhаа ыhыллан турар этэ. Дмитрий Сергеевич мастерской базатын ханатарга yп булан биэрбитэ. Улаханнык ейеебyтэ, мин yлэлиир кэммэр декоративнай - прикладной быыстапка5а а5ыс кылаастаах оскуолаларга призовой миэстэлэри ылар этибит. Куруhуоктарга yчyгэйдик кыттан миэстэлэhэр о5олор: Дьяконов К., Дьяконов Б., Никонов Т., уо.д.а. этилэр.

Декоративнай прикладной искусство кружогар маhынан чочуйан муоска, туойга уонна араас тирииннэн аппликацияларга ордук yлэлэтэр этим. Ити кэмнэргэ уруhуй куруhуогун эмиэ ыыппытым. Yчyгэйдик уруhуйдуур о5олор эмиэ араас уруhуй быыстапкаларыгар кыттыбыттара, республиканскай быыстапкаларга миэстэлэhэрбит.

1976 с. миигин кытта тэннэ физрук Иванов Александр Иннокентьевич диэн учуутал кэлэн спортивнай yлэни сэргэхсиппитэ, Дмитрий Сергеевич уонна Денис Степанович спортсменнар буолан араас секциялары ыыппыттара. Онно миигин эмиэ кыттыннараллара, национальнай атах оонньууларын секциятын ыыппытым. Оскуола совхоhу кытта ыга сибээстээхтик yлэлээбитэ. Ити кэмнэргэ аан бастаан yлэ - сынньалан лаа5ырдара тэриллибиттэрэ. Тyбэ о5олоро онно палатканан олорон yлэлээбиттэрэ. Бэриллибит былааны толорон о5олор совхозтан махтал, премия ылаллара. Ону ааhан о5олор араас субботниктарга сылдьаллара, лабыкта, дул5а быhыытыгар, эбии аhылык хомуйуутугар yлэлииллэрэ.

Культурнай - сырдатар yлэ эмиэ yчyгэйдик, кехтеехтyк тэриллэрэ. Кылаастар икки ардыларыгар араас конкурстар, концертар, фестиваллар ыытылаллара. Онно мин салайар кылааhым о5олоро yксyлэрэ бастыыллара. Кылааhым о5олоро оскуола общественнай yлэтигэр активнайдык кыттан yлэлииллэрэ. Ордук Никонова Н., Дьяконова В., Никонова П. спортивнай улэ5э Дьяконова Б. активнай этилэр. Бу кылааhы выпустаабытым. Билигин санаан, толкуйдаан кердеххе, учууталлаабыт кэмнэрбэр тапсан улэлээбит кылааhым буолар.

Билигин Бетун орто оскуолатыгар yлэлиибин, уруhуй, черчение, дизайн уруоктарын ыытабын.

СТРУЧКОВ Федот Семенович
- Yрдyк категориялаах Старшай учуутал, СР Yeрэ5ириитин туйгуна, "Педагог - мастер"