Персоналии

Мин Тyбэ5э yлэлээбит сылларым

СУЗДАЛОВА Варвара Ильинична

Тyбэ начальнай оскуолатыгар аан бастаан 1955-56 сыллардаахха yhyе буолан yлэлээбиппит. Сэбиэдиссэйинэн Турнина Анастасия Егоровна этэ уонна нуучча тылыгар биир нуучча кыыhа баара (аатын умнан кэбиспиппин). Оччотоо5у оскуола "Культура5а" танара дьиэтигэр yлэлиирбит. Оскуола 4 кылаастаах этэ. Кылаастары хаптаhынынан быыhаан онорбуттара, олус кыара5ас, кылаастар бэйэ-бэйэлэрин олус мэhэйдэhэр этилэр. Yерэтэргэ материальнай база олох суо5а, учебник, суруйар тэрил олох тиийбэт этэ, кыара5астык дьукаахтаhан олорбуппут.

Тyбэ5э иккис барыым 1965-66 сс. этэ. Онно оскуола "Булууска" бэйэтигэр сыыр yрдyнээ5и дьиэ5э кеспyт этэ, олус тымныы, кыара5ас этэ. Материальнай база син мелтех этэ, арай оскуола миэстэтэ эрэ уларыйан беhyелэккэ кэлбит этэ. Бу сырыыга Зина уонна Илья Портнягиннары кытта yлэлээбитим. Кэлин Зина елбут этэ. Илья Иванович билигин Хатырыкка баар.

Мин yерэппит о5олорум Тyбэ5э бааллар: холобур, Никонова Вера, Никонова Роза, Сивцева Маша уо.д.а. Соторутаа5ыта Барамыгин Афоняны оройуонна керсyбyтyм, бэйэтэ билэн кэпсэппитэ, Тyбэ5э yерэнэр кэмигэр сyрдээх ыарыhах керyннээх уонна yерэ5эр дьо5урдаах о5о этэ.

Мин о5о сааhым 2 Модут Маай алааhыгар ааспыта, онно ханыылаан Тyбэ сирин-уотун, айыл5атын, дьонун-сэргэтин олус себyлyyр этим. Ол иhин иккитэ бара сылдьыбытым да олохпор табыллыбакка теннен кэлбитим. Начальнай кылаас учууталынан 25 сыл yлэлээн пенсия5а тахсыбытым, билигин тереебyт терyт тyелбэбэр олоробун, кырдьар сааспар ыарыhах буолан, наар балыыhа киhитэ буоллум. Сyрэхпинэн 4-тэ операцияланным, ЭКС-500 аппарат кеметyнэн сyрэ5им yлэлиир.

Мелтyyр-ахсыыр кэммэр yлэлээбит оскуолам коллектива ейдеен-санаан юбилейга ыныран сyргэбин кетехпyтyгэр, санаабын аралдьыппытыгар олус yердyм, сyhyехтээх бэйэм сyгyрyйэн туран ис сyрэхпиттэн махтал-баhыыба тылларын этэбин. Ба5арабын оскуола коллективыгар ситиhиилэх yлэни, чэгиэн доруобуйаны, иллээх оло5у.

1994 с. бала5ан ыйын 12 кyнyгэр 66 сааспын туоллум, онон миэхэ анаммыт олох улахан еттyн кердyм, олордум.

Суруйдум педагогическай yлэ ветерана,
2-с группалаах инвалид СУЗДАЛОВА Варвара Ильинична
18.10.1994