Персоналии

О5олорбут тустарыгаp...

ДЬЯКОНОВА Варвара Игнатьевна

Мин 1979 сыл кyhyнyгэр Тyбэ а5ыс кылаастаах оскуолатыгар нуучча тылын уонна литературатын учууталынан ананан yлэбин са5алаабытым. Ол кyhyн математика учууталынан Рехлясова Лидия Степановна, yлэ уруогар кэргэннии Анатолий Гаврильевич, Ираида Афанасьевна Игнатьевтар бары бииргэ айаннаан кеhен кэлбиппит. Директорынан Денис Степанович Федоров, завуhунан Мария Андреевна Гуляева yлэлииллэрэ. Ол маннайгы сылбытыгар Орлов Прокопий Егорович директорынан ананан yлэтин са5алаабыта. Эдэр учууталлар элбэх этибит. Готовцева Софья Гаврильевна, Захарова Раиса Афанасьевна биhиги иннибитинэ кэлбит этилэр. Бары олус кехтеехтyк yлэлиирбит. Оскуола5а да, нэhилиэнньэ5э да элбэх мероприятиялары ыытарбыт, художественнай самодеятельность концертарыгар кыттарбыт.

Бу кэмнэргэ оскуола5а кабинеттары оноруу са5аламмыта. Директор Нектягаев Николай Федотович сyyрэн-кетен капитальнай еремyен ыытан, оскуола штукатуркаланан ис кестyyтэ быдан тупсубута, итийбитэ да5аны. Завуhунан Дьяконова Венера Никитична yлэлээбитэ. Теhе да эдэр буоллар олус ирдэбиллээх, yлэни кыайа тутар, коллективы тyмэр салайааччы этэ. Оскуола ис-тас кестyyтyн тупсарыыга, кабинетнай система олоххо киириитигэр, иитэр-yерэтэр yлэ хаачыстыбата тупсуутугар, тyмyктээх буолуутугар улахан сыратын уурбута. 1989 с. директоры yерэх чааhыгар солбуйааччынан ананан, иитэр yлэ5э солбуйааччы Егорова Лидия Николаевналыын биир санаанан ере кете5yллэн yлэлээбиппит.

Нуучча тылын уонна литературатын кабинетыгар тереппyттэр самодельнай дуоска-ыскаап оноруутугар олус кехтеехтyк ылсан yлэлээбиттэрэ (Куличкин И.И., Попов И.И., Сивцев Е.Е., Сивцев А.А. уо.д.а.). Лидия Николаевналыын стендэлэри онорууга, араас темаларга раздаточнай матырыйааллары, суруйааччыларга паапкалары онорууга бириэмэни аахсыбакка хойуукка диэри yлэлиирбит. Ол са5ана билинни курдук компьютер энин суо5а, Лидия Николаевна печатнай машинкатыгар карточкаларбытын бэчээттиирбит. Кабинеттары керyyгэ ерyy 1 миэстэни ылар этибит. Директорбыт Бурнашев Александр Кузьмич оскуола материальнай-техническай базатын ханатыыга улахан бол5омтотун уурара. ТСО элбэх этэ, кабинеттарга сигнальнай плакаттары онортообуттара.

1995 с. оскуола директорынан анаммытым. Yерэх чааhыгар солбуйааччынан Егорова Лидия Николаевна, иитэр yлэ5э Гуляева Марианна Спиридоновна буолан бииргэ yлэлээбиппит. Орто оскуола буолан о5олор yерэххэ киириилэрин ситиhэргэ улахан yлэни ыыппыппыт. Ол да тyмyгэ буолуо, элбэх выпускниктарбыт yрдyк, орто yерэхтэнэн yлэhит дьон буолан тереебyт дойдуларын сайдыытыгар улэлии-хамсыы сылдьаллар, биhиги кинилэринэн киэн туттабыт.

Оскуолабыт 85 сыллаах юбилейынан бииргэ yлэлээбит, yлэлиир коллегаларбын, выпускниктарбытын, yерэнээччилэрбитин, убаастабыллаах тереппyттэрбитин, оскуолабыт сылаас, ыраас, минньигэс астаах буоларын туhугар туруулаhан yлэлиир техyлэhиттэрбитин ис сyрэхтэн э5эрдэлиибин! Yлэ5э-yерэххэ ситиhиилэри, доруобуйаны, тус олоххутугар дьолу-соргуну.

Yлэ ветерана ДЬЯКОНОВА Варвара Игнатьевна,
алтынньы ый 2009 с.