Персоналии

Yтyе дьоллоох кyннэрбин ейдеен yеhээ тыынабын

ФЕДОРОВ Денис Степанович

Yлэ yгэнигэр сылдьан, элэс гынан ааспыт, 1977-1978, 1978-1979 yерэх сылларын Тyбэ оскуолатыгар директордаабыт кэмнэрбин ейдеен кэллэхпинэ: ити ытык сир хайдах эрэ дьиктитин, эдэр киhини араначчылыыр курдугун, дьоно-сэргэтэ бэйэ-бэйэлэригэр сyрдээхтик кемелеhеллерyн-ейеhеллерyн саныыбын. Онон Тyбэ сайдыа диэн, инники кэскиллээх буолуо диэн эрэнэ-кyyтэ саныыбын.

Билигин 17 сыл ааспытын кэннэ киhи тугу бэлиэтиэ эбитэ буолла. Эдэр директор элбэх былаан-сорук туруорунан, теhе кыайарбынан yлэлээн, суурэн-кетен икки сылы билбэккэ аhарбытым. Тугу эрэ ситиспитим буолуо, сыыhа да элбэх буолуохтаах, арай педколлектив, техyлэhиттэр тылбын истэллэрэ, yлэни оноро сатыыллара yтyе ейдебyл буолан хаалбыт. Ол курдук Саввинов Григорий, Атласова Светлана Васильевна, Никонова Дарья Павловна уонна да атыттар сyрдээх сyрэхтээх, наhаа эппиэтинэстээх, киhи эрэнэр yлэhиттэрдээх этим.

Педколлектив yксэ эдэр, араас сирдэртэн тyмсyбyт yлэлиир дьо5урдаах, ба5алаах специалистарынан толору этэ. Онон о5олору иитии-yерэтии, yлэ5э да, нэhилиэк да оло5ор сананы, сэргэхситиини киллэрбиппит диэххэ сеп. Педколлектив бары кыhаллан-мyhэллэн кылгас кэм иhигэр оскуола ис оформлениятын син септеех ирдэбилгэ эппиэттиир гына оноро охсубуттара. Ордук манна Федот Семенович Стручков енетyн умнар табыллыбат. Кини ессе грамота айан бэйэтэ онорон сyрдээхтик yерэн турардаах. Оскуола5а ордук Сана Дьылы керсyyнy эрдэттэн бэлэмнэнэн бэрт кехтеехтyк ыытар буоларбыт. Бyттyyн кылааhынан "Маска" оностон кyрэхтэhии бе5е буолара.

Ити кэмнэ оскуола нэhилиэккэ эдэр ыччаты тyмэр-иитэр киин буолбута диир буоллахха соччо улахан омуна суох буолуо этэ. Ол курдук киэhээ аайы ыччаты ыныран волейбол оонньоон сэргэхсийэр этибит. Эрчиллиибит тyмyгэр оройуонна Тyбэ бэйэтэ хамаанда тэринэн волейболга миэстэлэhэн турардаахпыт.

Материальнай базаны бе5ергетyyгэ бастакы сорук итии аhылыгы тэрийиигэ анаммыта. Ол курдук остолобуой оборудованиета, инвентарь барыта булуллубута. Нагляднай пособие, техническай средство сэргэхситиллибитэ. Котельнайга ремонт ыытыллан, 54 кырааадыска тиийэ тымныы туhэ сылдьыбыта да биhиги оскуолабыт тонмото5о. Онтон истиэнэтин хаарынан сыбааhынна нэhилиэк барыта yерэ-кете кыттара. Иллээх коллектив буолан, улэ5э кехтеех буолан атын элбэх сиргэ yлэлээбит коллективтарбытынаа5ар бу Тубэ оскуолатыгар yлэлээбит коллегаларбын ордук сылаас сымна5ас санаанан ейдеен ааhабын.

ФЕДОРОВ Денис Степанович
Тyбэ 8 кылаастаах оскуолатыгар 1977-1979 сылларга директордаабыт
20.10.1994 с. Нам с.