Персоналии

"Тyбэчээн" цирковой студия

"Тyбэчээн" цирковой студия 2001 сылтан Владимир Николаевич Третьяков салайыытынан тэриллэн yлэлээбитэ. Манна бастаан 20-чэ о5о тyмсэн цирка уустук керyннэригэр бэйэлэрин холоммуттара.Онтон 3 о5о хаалан,Готовцева Дина, Федорова Наташа, Куприянов Ваня, 2002 сыллаахха "Мамонтенок-2002" IVРеспубликатаа5ы цирковой фестиваль-конкурска жонглирование номинация5а лауреат I премиятын ылбыттара. Иккис сылларыгар эмиэ бастаан yербyттэрэ-кеппyттэрэ.

Бастакы сылларыгар биhиги икки тереппyт, мин Готовцева Софья Гаврильевна уонна Куприянова Ольга Семеновна о5олорбутун кытта куоракка киирсибиппит. Ол са5ана цирка эргэ гараж дьиэни оностон yлэлии олороро. Араас улуустартан, о5о садын о5олоруттан са5алаан, сyрдээх элбэх-180-ча о5о кэлэн кыттыбыта.Чурапчы улууhун о5олоро уhулуччу бэлэмнээх этилэр. Нэдиэлэ курдук сырал5аннаах, долгутуулаах,тyбyктээх кyннэр yтyе тyмyктэрдээх буолбуттара. Сылтан-сыл аайы кыттар о5о ахсаана эбиллэн испитэ. Цирка директора Сергей Расторгуев уонна Марфа Колесова биhиги о5олорбутун бэлиэтии кереннер: "Тyбэчээннэр" сулус курдук ча5ылхайдык тахсыбыттара"- диэн этэн турардаахтар.

"Тyбэчээн" цирковой студия "Мамонтенок" цирковой фестиваль IV-yс, V-ис,VI-ыс кyрэхтэрин кыттыылаахтара.V-ис, VI-ыс кyрэххэ бэhиэ буолан кыттыбыттара. Лукин Виталий, Новиков Коля киирэн биэртэрэ. Бу кыттыбыттарын тухары куруук бириистээх миэстэлэргэ тиксибиттэрэ, бастакы кердербyт таhымнарын тyhэн биэрбэтэхтэрэ. Саха циркатын директора, РСФСР, СР yтyелээх артыыhа С.В.Расторгуев yйэ анардаах yбyлyейyн бенефиhигэр ынырыллан кыттыыны ылбыттара. О5олор нyемэрдэригэр кэтэр кестyyмнэрин тереппyттэр бэйэбит атыылаhан, муодалаан, тигэр этибит.

Студия салайааччыта В.Н.Третьяков ирдэбиллээх, сатабыллаах, туруорбут сыалын о5олорго тириэрдэр буолан биhиги о5олорбут цирковой искусство уустук да буоллар кэрэ эйгэтигэр уhуйуллан тахсыбыт кэмнэрин кyндyтyк саныыллар, умнубаттар.

Тереппyт ГОТОВЦЕВА Софья Гаврильевна, алтынньы 2009 с.