Персоналии
Оскуолам туhунан
ПЕСТРЯКОВ Егор Петрович
Бэйэм туспунан эттэххэ, оскуола, yерэх диэн тылы - еhy биhиги таайбыт Тихонов Павел Павлович ыарыhах буолан уонна олорор сирэ табыллыбакка Хатырыктан yерэ5ин быра5ан кэлбит уол, араас остуоруйалары, кэпсээннэри кэпсиириттэн билбиппит. Онтон убайым Иван Культураттан туох эрэ кумаа5ылаах, харандаастаах yерэн - кетен кэлэн, "Оскуола наhаа улахан" диирин ейдyyбyн.
Онтон икки сыл буолан баран сэрии бyтyyтyгэр мин yерэххэ киирбитим. Ол кyн наhаа ыраас, сылаас кyн этэ, бары киэргэммит этибит, кыргыттар араас сибэккилээх тyyпyлэлээхтэрэ, yчyгэй суумка баарын ейдеебеппyн, yксyбyтyгэр американскай куулунан тигиллибит араас ойуулаах суумкалаах этибит.
Ол кyн эрдэ ба5айы хомуйтаан биhиги убайбыт Пестряков Николай Дмитриевич (ыарыhах бухгалтер этэ), биир о5ус тэлиэгэтинэн арыаллаан Культура5а тиийбиппит. Тэлиэгэ5э олорбут суо5а быhыыта, онтон Культура5а тиийэн ыраахтан оскуоланы кереет, бары ыhылла, сyy - саа иhэммит, саната суох баран, тyмсэн хаампыппыт. Тиийбиппит дьиэбит улахана сyр, Тула орто араас ойуулаах (суруктар эбит) таастар, билигин ол таастар ханна тиийбиттэрин, сyппyттэрин муодар5ыыбын.
Маннайгы чуораан лынкынас оскуола5а ыныртыыр "Куолаhа" билигиннэ диэри чугдаарарга дылы, иhигэр киирбиппит yрдyгэ, сырдыга сyрдээ5э.
Мин маннайгы учууталым Аверинская Александра диэн нуучча эмээхсинэ этэ, сyрдээх сyyнэ керyннээх, сахалыы лоп - бааччы чуолкайдык санарара, сымна5ас ба5айы этэ, бу санаатахха оскуола сэбиэдиссэйэ эбит. Маннайгы муодар5ааhыным дуоска5а миэлинэн суруйуу, ыламмын танаспар, онтон кумаа5ыбар суруйан кербyтyм. Мантан атына диэн сэрии кэминээ5и бириэмэ балаhыанньатынан: тетрадь, уруучука, харандаас кэмчи, 2-3-yy о5о5о 1- дии кинигэни уларсыы, оhох сабыытын кyлyнэн чэрэниилэ оноруу, ыhыырынньыгынан уруогу аа5ыы о.д.а. тиийиммэт - тyгэммэт элбэ5э.
3-4 - с кылаастарга сиппит улахан уолаттар, кыргыттар бэйэбит убаайдарбыт, эдьиийдэрбит yерэнэллэрэ, хата онон кинилэр биhигини кереллере - истэллэрэ. Оскуола5а наhаа yчyгэйэ, уруок кэнниттэн араас оонньуулар, эбии yерэтиилэр буолаллара, ол иhин буолуо, уруок кэнниттэн дьиэ5э барыыга тардыллар этибит.
Бэйэм санааларым: 1-гы, онноо5ор нэhилиэкпит иhигэр оскуолабыт ыраа5а, ордук Yрyн Кyел, Арыылаах о5олоругар, интернат кырата, сyгyн ылбаттара мэhэйдиирэ. Онтон биhиги Булуустан, Тыа Арыыттан сатыы сyyрэрбит, оччолорго тыал - хаар кyyстээх курдуга, тибии бе5е, ордук Сата5ай бааhыната, Культура аннынаа5ы бааhыналар муннууллара. Ити тибиилэри кыайан туораабакка уруоккун кетyтэ5ин о.д.а. араас эрэй. 2 - с Тyбэ оскуолата ескетyн 7 - тэ кылаастаа5а буоллар син салгыы yерэммит буолуо этилэр, Хатырыкка ким интернакка олорон yерэммит, 7-hи бyтэрбиттэр yерэххэ салгыы син бара сатаабыттара.
Уопсайынан yерэнэр усулуобуйа суо5уттан о5о yерэххэ тардыhыыта суо5а, тереппyттэр да ыарыр5аталлара.
ПЕСТРЯКОВ Егор Петрович