Персоналии
Оскуола5а yeрэммит кэмим, о5о сааhым туhунан
ПЕСТРЯКОВ Иван Петрович - Саха АССР yтyeлээх геолога, ССРС eннeeх министерствотын туйгуна.
Оскуола5а 1993 с. киирбитим Культура5а танара дьиэтигэр Булуустан сатыы сылдьан yeрэммиппит. Сорох о5олор Кытылтан, Эhэлээх (Хотугу) арыыттан сылдьан yeрэнэллэрэ. Оскуола5а yeрэнэр кэммитигэр Eктeeп бырааhынньыгар, Сана дьылга концеры биhиги о5олор туруорар этибит. То5о эрэ улахан дьон ыллаан - yнкyyлээн эрэллэрин eйдeeбeппyн, кыттыбаттар быhыылаа5а.
Спектакллары туруорарбыт. Биhиги концербытын кeрeeрy Тыа - Арыыттан, Булуустан киhи бe5e кэлэрэ, оскуола тула сыар5алаах ат бe5e мунньустан аhыы турар буолааччылар. Уруокпут о5олор онтон - мантан кэлэн мусталларыттан са5аланара, уонна киэhэ кyн киириитэ тар5аhаллара. Сэбиэдиссэйинэн Аверинская Александра Георгиевна этэ. Миигин 1 кылааска yeрэппит учууталым аатын, хомойуох иhин, умнан кэбиспиппин.
4 кылааска Трофимов диэн киhи yeрэппитэ. Yeрэнээччилэр yгyс eттe саастаах о5олор этилэр уонна, кылаастан кылааска хаалар буолан, миигиттэн а5а этилэр.
Захаров Иван Ивановиhы (Чыыпаан) кытта бииргэ yeрэммиппит уонна иккиэн ударник буолан премия ылар этибит. Биир кыhын (2 чиэппэр буолуо) миэтэрэнэн танас премия биэрбиттэрин ийэм тугу эрэ тиктэн yeрyy буолбута. Оскуола5а бастакы кyн барыыбын чуолкайдык eйдyyбyн. Элбэх о5о мунньустан бэйэбит эрэ суолу быhа кэпсээн - ипсээн бe5eннeн yeрэн - кeтeн тиийбиппит. Бары санаабытыгар ып ыраас сана танастаах курдук этибит. Кырдьык сорохтор сана тигиллибит этэрбэстээх, былааттаах, куулунан тигиллибит да буоллар сонноох буолаллара. Дьэ, ол бастакы кyн аймалаhан оскуола5а баран иhэн, эрдэ yeрэммиттэр (старшеклассниктар) кэпсээн бe5e. "Кыhын тымныыга кэhэйиэххит, муннугут тостуор диэри тонуоххут" - диэн Дьяконова Галя куттуур этэ.
Оскуола5а кэлбиппит, о5о бe5e мустубут, бары таhырдьа оонньуу сылдьаллар. "Yрyн Кyeл" о5олоро эрдэ киирэн Культура5а уопсай дьиэ5э yтэнэн олороллоро.
Кылааспытыгар тэтэрээт, харандаас, уруучука, бeрye, резина, yeрэнэр кинигэ, чэрэниилэ иhитэ биэрбиттэрэ наhаа yчyгэй этэ.
Уруок икки ардынаа5ы уhун сынньаланна 2 печенье уонна кэмпиэт биэрэн yeрдyбyттэрэ. Кыhын итии аhылык диэн хаппыысталаах миин иhэр этибит.
Оскуола остуораhа Ылдьаана диэн дьахтар со5ото5ун оhохторун отторо, муостатын сууйара, оттор маhын бэйэтэ кeтe5eн киллэрэрэ, онно yрдyгэр олорор этэ.
Перемена аайы сырсан оонньуур этибит, турникка ыйаастарбыт. Мин иккис дуу, yhyс дуу кyммэр турникка ыйаастан илиим мyччy тутан охтон ханас илиибин эчэппитим, ону с/совет бэрэсэдээтэлэ Дьяконов Василий Петрович (Бачылаан) велосипедынан Хотугу сайылыкка илдьэн Захаров Прокопийга (Боросуок) эмтэппитэ.
Кыhын, кырдьык, yeрэнэргэ уустук эбит этэ. Хааман иhэн тахсан киирээри эрэйдэнэрбит. Илиибит тонон хаалбыт буолан улахан о5олор кeмeлeheллeрe, муннубутуттан сыын кэл да кэл, ону илиибитинэн ылан соммутугар соторбут. Дьиэбитигэр тиийэрбитигэр соннорбут иннэ килэгир муус, yтyлyкпyт иhэ ибис инчэ5эй буолара.
Танастарбыт сылаас эбиттэр, куобах бэргэhэ, куобах тириитэ кээнчэ, yтyлyкпyт эмиэ, онон ким да тонон yлyйбyтэ суох этэ.
1947 с. Марков Петр Афанасьевич районо инспектора кэлэн туппута. Ильин Петя уонна мин эрэ буолан иккиэн Тyбэ начальнай оскуолатын ол сыл бyтэрбиппит. Онтон Хатырыкка баран салгыы yeрэммиппит. Хатырыктан Нам оскуолатыгар барбытым. 1954 с. Нам орто оскуолатын бyтэрээт армия5а баран 2 сыл сулууспалаан кэлбитим. Ол сыл кyhyн 1956 с. армияттан кэлэрбэр ийэм Харычыас "Yрyн Кyeлгэ" биригэдьиирдиир этэ. Кыhын уhун бааhына кэнниттэн ар5аа балаакканан хоно сыдьан тутуу маhын кэрдиhиитигэр сылдьыбытым. Онно Гуляев Петр (Кыччамыай) баара. Кыhын устата кыhыл муннукка, ыалга оттор мас тиэйбитим бастакы кириэс анныттан. Сааhыары Дьяконова Х.Н. солбуйан продавецтаабытым.
Бырааhынньыктарга концерт туруорар этибит. О5олор бары кыттар этилэр. Репетиция5а Тыа Арыыттан Бугаева Нюта, Фекла, Культураттан фельдшер Аня, учуутал Софья Яковлева кэлэллэрэ уонна тyyн тeттeрy бараллара. Пестряков Алексей музыкаммыт этэ. Биирдэ саас Кeбeкeннe баран концердаан кэлбиппит. 1957 с. саас дойду yрдyнэн бастакы самодеятельнай фестиваль буолбута. Онно Намна баран оройуон кулуубугар концерт кeрдeрбyппyт (Фото сыhыарабын). Сарсыныгар "Ленин холкуос" кулуубугар баран концердаабыппыт. Кулууптарыгар ыскамыайка5а утуйан хоммуппут. Транспорт суох буолан дойдубутугар тeннeрбyтyгэр ким хайдах кыалларынан, сорохтор сатыылаан кэлбиттэрэ. 1957 с. сайын онно сылдьан yeрэнэ барбытым. Онтон ылата дойдубутуттан тэйэн геолог буолан Алданынан, Уусуйаанынан yлэлээбитим. Кeмyс, сyлyyдэ кeрдeehyнyгэр, хостооhунугар yлэлээбитим. Биир кэмнэ 1985 - 1989 сс. Депутатскай ГДК 8 тыhыынча киhилээх профсоюзка бэрэсэдээтэллээбитим. 1989 - 2005 сс. пенсия5а тахсыахпар диэри eрeспyyбyлyкэ профсоюhугар (ЯОСПС) техническэй инспекторынан yлэлээбитим куоракка. Якутскай куоракка yлэлиир кэмнэрбэр чугаhаабычча Тyбэбэр куруук кэриэтэ сылдьар буоллум.
Юбилейнай мероприятиялларга, ыhыахтарга сылдьан билэр дьоммун, о5олору кытта кeрсeн кэпсэтэбин. Хомойуох иhин, мин бииргэ yeскээбит, yeрэммит о5олорум yксэ суохтар. Инники eттyгэр Тyбэ сайда турдун диэн ба5арабын.
ПЕСТРЯКОВ Иван Петрович- Саха АССР yтyeлээх геолога, ССРС eннeeх министерствотын туйгуна
Бэс ыйа 2009 с.