Персоналии

Алаас ааттаах, дойду сурахтаах

ДЬЯКОНОВ Николай Викторович

Былыргыттан сахалар бэркэ себулээн олохсуйбут сирдэринэн буолар Нам улууhун Тyбэ нэhилиэгин сирэ - дойдута. Тyбэттэн, кини ыраас салгынынан тыынан, улуу Е'лyенэ ерyскэ сетyелээн, силигилии yyммут отуттан-маhыттан кyyс ылан элбэх yерэхтээх, араас талааннаах дьоннор тахсыбыттара, тахсыахтара да турда5а дии. Олортон биирдэстэринэн буолар Дьяконов Николай Викторович. Кини 1977 сыллаахха сэтинньи 5 кyнyгэр Нам улууhун Тyбэ нэhилиэгэр тереебyтэ. Кини Анна Герасимовна Дьяконова, Виктор Назарович Мыльников дьиэ кэргэнигэр yhyс о5оннон тереебyтэ. А5ата Читинскай уобаластан терyттээх нуучча киhитэ этэ, идэтинэн физкультура учуутала, ийэтин да тердyгэр кyyстээх дьон баара биллэр. Коля кыра эрдэ5иттэн сyyрyyлээх-кетyyлээх оонньуулары ордорон, улэ5э-хамнаска эриллэн, спордунан кыра кылаастан дьарыктаммыта. Оскуола5а yерэнэр кэмнэригэр спортка физкультура учуутала Дягилев Дмитрий Афанасьевич уhуйбута. Улууска ыытыллыбыт "Yрyн Уолан 1994" кyрэхтэhии кыайыылаа5а.

Оскуоланы бyтэрээт Намнаа5ы Граф Биэрэгэр СПТУ-га yерэнэ киирбитэ. Бу yерэнэр сылларыгар республика5а биллэр спорт маастара Эверстов Юрий Афанасьевич талааннаах уолу таба керен утумнаахтык дьарыктаабыта. СПТУ-ну бyтэрэн СГУ физкультурнай салаатыгар киирэн yерэнэр. Манна yерэнэр сылларыгар мас тардыhыытынан республика yтyелээх тренерын Дягтерёв Федор Матвеевич салалтатынан кyyскэ дьарыктанар. Yерэ5ин ситиhиилээхтик бутэрэн Ис дьыала отделыгар yлэ5э киирбитэ. Yлэлии сылдьан 2003 сыллаахха Саха государственнай университетын биолого-географическай факультетын кэтэхтэн yерэнэн бyтэрэн эколог идэтин ылбыта.

Николай кэргэннээх, икки уол о5олоох. Кэргэнэ Вера Софроновна экономист идэтигэр yерэнэр, атыы-эргиэн тэрилтэтигэр yлэлиир. Дьокуускай куоракка олороллор. Тереебyт Тyбэтигэр куруук тахсан сынньанарын, сир астыырын, бултуурун, балыктыырын себyлyyр. Уолаттара теhе да кыраларын иhин тэннэ илдьэ сылдьан булка, улэ5э, спорт араас керуннэригэр yерэтэр, дьарыктыыр.

Билигин, олох кyн-тyyн ыарыы турар кэмигэр, кыра эрдэ5иттэн эт-хаан еттyнэн сайдыылаах, ыарахаттартан ча5ыйбат, чэгиэн-чэбдик, кыайыгас-хотугас, yерэххэ-yлэ5э дьулуурдаах ыччаты иитии хаhааннытаа5ар да суолталанан турарын ейдеен Николай Викторович yерэммит оскуолатын попечителинэн буолар. Ол курдук сыл ахсын ыытыллар "Yрyн Уолан" конкурсугар, сыл бастын спортменыгар анал бириис олохтуур.

Николай Викторович мас тардыhыыга СР спордун маастара, "Дыгын оонньууларын" 6 тегyллээх абсолютнай чемпиона, Мас Мэхээлэ, Степан Алексеев, кyyстээх Дьэhээккин уо.д.а. республиканскай турнирдар кыайыылаа5а. 2005 сыллаахха ыытыллыбыт Манчаары Баhылай бирииhигэр Саха сирин норуоттарын спортивнай оонньууларын yбyлyейдээх спартакиадатын уонна Бyтyн Россиятаа5ы мас рестлинг кыайыылаа5а. Быраабы харыстыыр органнарга Россия5а илиинэн киирсиигэ кyрэхтэhии 2-с призёра, А.Невскай бирииhигэр самбо5а Бyтyн Россиятаа5ы турнир 3-с призёра. 2005 сыл ахсынньы ыйга ыытыллыбыт "Манчаары оонньууларын" биэс керуннээх кyрэхтэhиитин кыайыылаа5а. 2002 уонна 2004 сыллар тyмyктэринэн сыл 10 бастын спортсменнарын иhигэр киирбитэ.

Сахалар, тyн былыргыттан илдьэ кэлбит оонньууларбытынан - хапса5айынан, мас тардыhыытынан, сахалыы илии-атах оонньууларынан киэн туттуохтаахпыт, сайыннарыахтаахпыт. Сахалыы терyт оонньууларбыт норуоппут баайа, чэбдик олоххо тардыhыытын биир кестyyтэ буоларын ейдеен Николай спорт бу керyннэринэн дьаныардаахтык уонна таhаарыылаахтык дьарыктанар. Кини ситиhиилэринэн, сэмэй быhыытынан, дьонно-сэргэ5э сыhыанынан yyнэр келyенэ5э холобур буолар.

Биhиги Колябыт инникитин да5аны олоххо, спортка ситиhииилэринэн дьиэ кэргэнин, спорду сэнээрээччилэри, биир дойдулаахтаргын yердэ, сехтере турдун!