Виртуальный музей школы

экспозиции музея: 1 | 2 | 3 | 4 | 5 | 6 |

Юбилейный раздел музея

85-летие Тюбинской школы!



Оскуола историятыттан

1924 с. алтынньыга Тyбэ5э Тыа Арыы диэн сиргэ Ильин Илья Петрович дьиэтигэр 2 кылаастаах оскуола аhыллыбыта. Бастакы учууталынан Яковлева Мария Сергеевна улэлээбитэ. Оскуола5а 8-тан 16-гар диэри араас саастаах о5олор yерэнэ киирбиттэрэ.

    Оскуола маннайгы yерэнээччилэрэ:
  1. Бугаев Семен Петрович-Тыппый
  2. Пестрякова-Старостина Харитина Кононовна
  3. Догдорой Уйбаан-Лебедев ойуун ииппит уола
  4. Слепцов Алексей Иванович- саамай кыралара
  5. Бугаева Татыйаас (Тыппый эдьиийэ), Кебекенне кэргэн барбыт
  6. Румянцев Михаил, Эмис Тyмэппий уола
  7. Кэтириис Буксу кыыhа
  8. Ильина Наста
  9. Дьяконов Мэхээлэ (Ыстыылаах Баhылай уола), Хара5а олорбуттар
  10. Обутов Дмитрий, Ибаррура а5ата, Харитина сурдьа
  11. Ильин Илья Петрович кыыhа Биэрэ
  12. Бердникова Таня (Бердников а5абыт кыыhа)
  • 1926-1927 сс. учууталынан Хатын-Арыы киhитэ Сивцев Алексей улэлээбитэ.
  • 1928 с. бастакы комсомольскай ячейка тэриллибитэ.
  • 1930 с. оскуола Булууска кеспyтэ. Учууталынан партия чилиэнэ Сидоров Афанасий Андреевич диэн Чурапчы киhитэ yлэлээбитэ. Арбынтан, Кебекентен, Тyбэттэн барыта 40-ча о5о yерэммитэ. Yерэх латинскай алфавитынан этэ.
  • 1931-1932 сс. эбии 3-yс кылаас аhыллыбыта. Нэhилиэккэ yерэнэр саастаах 78 о5о учуоттаммыт, онтон хас о5о yерэммитэ чуолкай биллибэт.
  • 1934-1935 сс. Культура5а танара дьиэтигэр 4 кылаастаах начальнай оскуола сэбиэдиссэйинэн Тyбэ олохтоо5о Слепцов Егор Игнатьевич, учууталынан Сивцев Семен Тимофеевич yлэлээбиттэр. Бу сылларга нэhилиэккэ аа5ар бала5ан тэриллэн yлэлээн, элбэх киhи аа5ар-суруйар буолбута.
  • 1941-1945 сс. сэрии кэмигэр оскуола ыарахан усулуобуйа5а yлэлээбитэ. Ас-танас, yерэх тээбиринэ тиийбэт этэ. Сэбиэдиссэйинэн Аверинская Александра Георгиевна этэ. Кини 1891 с. Елyехyмэ Кыыллаах Арыытыгар сулууспалаах кэргэнигэр тереебyтэ. 1909 с. эпархальнай училищены бyтэрбитэ. Кырдьа5ас учуутал Тyбэ оскуолатыгар yлэлии сылдьан 1944 с. оскуола5а уонна нэhилиэнньэ ортотугар yчyгэй yлэтин иhин оройуон оскуолаларын учууталларыттан бастакынан Саха АССР Верховнай Советын Президиумун Бочуотунай грамотатынан на5араадаламмыта. Оччотоо5у ыарахан кэмнэргэ yерэммит о5олортон улууска, республика5а биллэр чулуу дьоннор тахсыталаабыттара: Охлопкова М.Е., Ильин П.И., Готовцев А.Н., Старостина Х.К. уо.д.а.

  • 1959с. Учуутал Руфова Мария Евсеевнаны уонна интернат повара Пестрякова Анна Ивановнаны кытта
    1951-1958 сс. оскуола Культура5а танара дьиэтигэр улэлиирэ. 4 кылааска барыта 30 о5о yерэммитэ. "Олег Кошевой" аатынан пионерскай тэрилтэ5э 24 пионер баар эбит. 2 аа5ар бала5ан yлэлээбит. Оскуола сэбиэдиссэйинэн Турнина Анастасия Егоровна, учууталларынан Панаева Анастасия Гаврильевна, Захарова Фаина Васильевна yлэлииллэрэ. Кинилэр о5олору иитиигэ-yерэтиигэ, нэhилиэнньэ5э билиини тар5атыыга элбэх сыраларын биэрэн, олус табыллан yлэлээбиттэрэ.
  • 1961 с. оскуола Культураттан Тyбэ5э кеhен кэлбитэ.

Тyбэ кyтyетэ, оччолорго Саха Республикатын Министрдэрин Советын солбуйааччы бэрэссэдэтээлэ Николай Семенович Охлопков, олохтоох сельсовет бэрэссэдээтэлэ Тихонов Константин Никонович туруорсууларынан харчы керyллэн, балтараа сыл иhигэр оскуола тутуллан 1972-1973 yе.дь. yлэ5э киирбитэ. К.Н.Тихонов ахтыытыгар маннык суруллубут: "Райсовет бэрэссэдээтэлэ Колмогоров В.Е. дьаhалынан Тyбэ5э оскуола тутуутун маhын бэлэмнээhин са5аламмыта. Атын нэhилиэктэртэн алта трактор кеме5е бэриллибитэ. Биригээдэ тэринэн тyyннэри-кyнyстэри yлэлээбит дьонунан буолаллар: оройуоннаа5ы тутуу начальнига Васильев А.И., тутуу прораба Аврамов К.П., нэhилиэктэртэн кэлбит трактористар, Дьяконов Д.Н. уо.д.а.". Икки этээстээх оскуола дьиэтин тутууга нэhилиэнньэ сyргэтэ кете5yллэн туран yрдyк таhаарыылаахтык кемелеспyтэ. Уунан ититиллэр системалаах, остолобуойдаах, спортивнай саалалаах, мастерскойдаах, аныгылыы ирдэбилгэ эппиэттиир yерэнэр кабинеттардаах оскуола yерэнээччилэр, тереппyттэр, уопсай нэhилиэнньэ кутун-сyрyн туппута. Ыраас, сырдык киэн-куон кылаастарга Тyбэ, Арбын ыччаттара умсугуйан туран yерэммиттэрэ. Бу оскуола yлэ5э киириитэ нэhилиэк оло5ун сайдыытыгар тосту уларыйыылары киллэрбитэ. Директорынан Пахомов Афанасий Егорович анаммыта. Бастаан а5ыс, онтон уон кылаастаах буолбут оскуола5а элбэх сана учууталлар кэлбиттэрэ, yгyс ерyттээх иитэр-yерэтэр yлэлэр ыытыллыбыттара, элбэх сана сyyрээннэр киирбиттэрэ. Олохтоох нэhилиэнньэ оскуола5а ейебyл буолара.

Оскуола yерэнээччилэрэ сайынны сынньаланнарыгар колхоз yлэтигэр кемелеhеллере. 1975 с. о5олорго yлэ-сынньалан лаа5ыра тэриллэн yлэлээбитэ. Манна наставниктарынан нэhилиэк олохтоохторо, yлэ ветераннара Пестряков А.Л., Лукавин П.П., иитээччилэринэн оскуола учууталлара yлэлээбиттэрэ.

1976 с. география учуутала Гуляева М.А. салайыытынан оскуола yерэнээччилэригэр туризм куруhуога yлэтин са5алаабыта. Мария Андреевна салалтатынан сыл аайы куруhуок чилиэттэрэ Туруйалаа5ынан, Хотугу сайылыгынан, Yрyн Кyелyнэн сылдьаннар ориентирования5а, топография5а, геология5а, ботаника5а, мэhэйдэри туорааhынна уо.д.а. керyннэргэ дьаныардаахтык эрчиллэллэрэ, бэлэмнэнэллэрэ. Туртехника5а физкультура учуутала Дягилев Дмитрий Афанасьевич бэлэмниирэ. Оройуонна ыытыллар кyрэхтэhиилэргэ ситиhиилээхтик кытталлара.


1 кылаас о5олоро Учуут. Дьяконова Л.Е. (1977 с.)
Кабинетнай системаны олоххо киллэриигэ уонна тупсарыыга элбэх ерyттээх yлэлэр ыытыллыбыттара. Директордар Федоров Д. С., Нектягаев Н.Ф., Сивцев Д.Е., Бурнашев А.К., оскуола материальнай-техническай базата тупсарыгар ордук таhаарыылаахтык yлэлэспиттэрэ, учебнай кабинеттары тупсарыыга уонна байытыыга улахан бол5омтолорун уурбуттара.Ол тyмугэр физика, химия кабинеттарыгар кердерен yерэтэр пособиялар, техническай средстволар булуллубуттара, учебнай мастерскойга анаан токарнай, фрезернай, фуговальнай станоктар, электрическэй устуруустар, эрбиилэр, верстактар ылылыбыттара. Учебнай кабинеттартан ордук yчyгэйдик математика /сэбиэдиссэй Романова Н.П./, физика /сэбиэдиссэй Нектягаев Н.Ф./, нуучча тылын уонна литературатын /сэбиэдиссэй Дьяконова В.И./, уруhуй, черчение /сэбиэдиссэй Бурнашев А.К./ кабинеттара yлэлээбиттэрэ.

Оскуола5а физкультурнай-спортивнай yлэ yрдyк таhымнаахтык барара. Спортка yерэнээччилэри уhуйааччыларынан Дягилев Д.А., Рожин В.А., Ядреев Г.Г., Попов П.П. о5олорго анаан араас керyннээх секциялары, кyрэхтэhиилэри ыыталлара. Ол тyмyгэр хайыhарга, баскетболга, волейболга, тустууга оскуола yерэнээччилэрэ оройуонна, республика5а ыытыллар кyрэхтэhиилэргэ ситиhиилээхтик кытталлара.

Олохтоох нэhилиэнньэ, оскуола коллектива, нэhилиэк дьаhалтата "Тyбэ нэhилиэгэ" МТ Баhылыга Лукина Розалия Егоровна туруорсууларынан 1993-1994 yерэх дьылыгар Тyбэ орто оскуолата буолбута. 1994 с. орто оскуоланы 11 о5о ситиhиилээхтик бyтэрэн бастакы выпускниктар ааттарын ылбыттара. Кинилэртэн Федоров Константин Константинович СГУ филологическай факультетын нуучча тылын уонна литературатын салаатын бyтэрэн тереебyт оскуолатыгар yлэтин са5алаабыта, билигин кини " Тyбэ нэhилиэгэ" МТ Баhылыга. Дьяконов Николай Викторович мас тардыhыыга СР спордун маастара, "Дыгын оонньууларын" алта тегyллээх абсолютнай чемпиона, республиканскай турнирдар кыайыылаахтара. Билигин тереебyт улууhугар Айыл5а харыстабылын управлениятын начальнигынан yлэлиир.

1999 сыл кэрэ-бэлиэ тyгэнинэн оскуола тэриллибитэ 75 сыллаах юбилейын бэлиэтээhин буолбута. Юбилейга республика араас оройуоннарыттан, оройуон бары нэhилиэктэриттэн элбэх ыалдьыт - оскуоланы араас сылларга бyтэрбит выпускниктар, yлэлээбит учууталлар мустаннар, yерэммит-yлэлээбит кэмнэрин ахтыhан-санаhан, ирэ-хоро кэпсэтэн ааспыттара. Бу кyннэргэ оскуола коллектива ыалдьыттарыгар анаан араас мероприятиялары: кылаас чаастарын, керсyhyyлэри, биэчэрдэри тэрийэн, yгyс стендэлэри, альбомнары, буклеттары, истиэнэ хаhыаттарын онорбута. Юбилейга анаан оскуола таhыгар улахан сэргэ yерyyлээх быhыыга-майгыга туруоруллубута. Юбилейы тэрийэн ыытыыга нэhилиэк салалтата /Лукина Р.Е./, "Тyбэ" КП директора /Дьяконов Г.Д./ улахан кеменy онорбуттара.

Архив даннайдара кердерерyнэн Тyбэ Баhынаа5ы Богородица аатынан танара дьиэтигэр а5абыыт Александр Бердников 1894 сыллаахха 4 о5ону хабан оскуола аспыт. Бу датаны Тyбэ нэhилиэгэр yерэхтээhин са5аланыытын быhыытынан ылынар то5оостоох. Онтон кэлин сылларга yерэх ыытыллыбытын туhунан туоhулуур докумуоннар суохтар. Онон Тyбэ нэhилиэгэр yерэхтээhин са5аламмыта 115 сыла буолбут эрээри, архыып даннайдарынан салгыы yлэлэhэн бу датаны чуолкайдыыр былааннаахпыт.


Педколлектив школы (1995 с.) Директор Дьяконова В.И.

экспозиции музея: 1 | 2 | 3 | 4 | 5 | 6 |


Хостинг от uCoz