Виртуальный музей школы

экспозиции музея: 1 | 2 | 3 | 4 | 5 | 6 |

Дом-музей Охлопкова Николая Семеновича


9 апреля 2009 г. силами школы завершилось строительство дома-музея Н.С.Охлопкова. Строители приложили много усилий, чтобы завершить работу вовремя. Теперь до официального открытия музея осталось законопатить стены, завершить работу по внутренней отделке, пополнить и оформить музейные материалы и т.д.

Оло5ун сyрyн олуктара

  • Н.С. Охлопков 1929 с. ыам ыйын 7 кунугэр Нам оройуонугар Кeдehе нэhилиэгэр дьаданы бааhынай кэргэнигэр тeрeeбутэ.
  • 1950 с.- Нам орто оскуолатын бутэрэн Сергей Миронович Киров аатынан Ленинградтаа5ы Лесотехническай Академия5а уeрэнэ киирбитэ.
  • 1955-1959 с.с. - Oлуeхумэ Леспромхоhугар маастарынан ананан улэтин са5алаабыта, кылаабынай инженергэ тиийэ ууммутэ.
  • 1960 с.- Партия Обкомун промышленноска отдел сэбиэдиссэйин солбуйааччытынан улэ5э ынырыллыбыта.
  • 1963 с. - Москва5а улахантан урдуку партийнай оскуола5а уeрэххэ ыытыллыбыта.
  • 1965 с.- ССКП Кэбээйитээ5и райкомун бастакы секретарынан быыбардаммыта.
  • 1965 с. ахсынньы ыйыттан- ССКП Уобаластаа5ы комитета Саха Республикатын Министрдэрин Сэбиэтин председателин тутууга солбуйааччынан анаабыта.
  • 1966 с.- ССКП Обкомун чилиэнэ.
  • 1975 с. бала5ан ыйыттан- Саха АССР Министрдэрин Сэбиэтин председателин бастакы солбуйааччытынан улэлиир.
  • 1986 с. - Саха АССР 7 -11 ынырыылаах Верховнай Сэбиэтин депутата.


    Николай Семенович Охлопковы оскуола5а уерэммит сылларыттан билэбин. Мин 8 кылааска уерэнэрбэр, кини 10-ка уерэнэрэ. Интернакка биhиги хоспут утарыта хоско убайынаан Виктор Авксентьевтыын, Кэбээйи уола Егор Эверстовтыын, Афанасий Софроновтыын, Виктор Петровтыын олорбуттара. Yерэхтэригэр бары учугэй буоланнар, урдук уерэххэ араас куораттарга уерэнэ барбыттара. Николай Баишев, тутуу, тыыл ветерана

    Хаhан да умнубаппын (Н.С.Охлопков туhунан иhирэх тыл)

    Николай Семенович мин ийэм, Охлопкова Анна Семеновна, бииргэ тереебyт быраата буолар, онон Николай Семенович мин таайым. Мария Егоровна уонна Николай Семенович ийэлээх-а5абын солбуйбуттара, то5о диэтэххэ, ийэм 5 саастаахпар, а5ам 6 саастаахпар суох буолбуттара. Тyерт о5о тулаайах хаалбыппыт, убайдарым оччолорго оскуола5а yерэнэллэрэ, балтым 1,5 саастаах этэ. Охлопковтарга о5олорун тэнэ этим, эдьиийдэрбин, убайдарбын кытары бииргэ улааппытым. О5о-о5о курдук мэниктиирбит, араас быракаастары онорорбут. Ону хаhан да улаханнык мехпyттэрин, буойбуттарын ейдеебеппyн.

    Тyерт сыл yлэлээн баран, аны yрдyк yерэххэ туттарса диэн эмиэ дьоммор кэлэн тyстyм. Таайым наhаа yердэ. ”Саамай сеп, yерэниэххин наада, хата сепке быhаарыммыккын. Билигин yерэхтээх эрэ киhи yлэлиир кэмэ кэлэн эрэр. Манна хаалан, биhиэхэ олорон эрэн эксээмэннэргэр бэлэмнэн, туттарсан yерэххэ киирэн хааллаххына бэйэн кэлин абыраныан. ”Муостаахтар-туйахтаахтар” эрэ yерэнэр буоллахтарай, мин да балтым ылыстар эрэ yерэниэ этэ, саатар Соловьевтартан биир yрдyк yерэхтээх киhи баар буолуо этэ буолла5а дии. Чэ, кытаат, тyhyнэн кэбис”,- диэн эппитэ билиннэ диэри кулгаахпар бу баардыы иhиллэргэ дылы. Дьэ ол курдук таайым уонна санаhым Мария Егоровна сyбэлэринэн yерэххэ киирбитим.

    Уерэнэ сылдьан куруутун дьоммор кэлэ турарым, санаhым астаабыт минньигэс астарын тото-хана аhаан, суунан-тараанан, кыратык кемелеhен барарым. Таайым кэллэ5им аайы yерэ-кете керсере: ”Оо, Наташенька-выручалочка кэллэ”,- диэн уонна yерэ5им хайда5ын, ханнык предмеккэ ыарыр5атарбын, тугум кыайтарбатын, туох кеме наадатын, туохха наадыйарбын кыбыстыбакка этэрбэр сyбэлиирэ, yерэхпин бyтэрдэхпинэ ханна yлэлии барарбын ыйыталаhара. Уерэхпин бyтэрэн Алданна анаммыппын истэн: ”Ыраах барыма, сатаан сылдьыан суо5а. Намна yлэ булан хааларын буоллар”,- диэн телефон yрдyгэр тyhэн районоларга эрийэн, ханна yлэ миэстэтэ баарын ыйыталаhа охсон, Тyбэ5э миэстэ баарын билэн, онно баран yлэлиирбэр сyбэлээбитэ.


    Уeрэммит 5 сылын устатыгар дойдутугар биирдэ да кэлэ сылдьыбата5а. Уп-харчы суо5ун кыhал5атыттан сайынын онно хаалан улэлиирэ. Ыйдаа5ы 300 солкуобай стипендията ыраах сылдьар студент кыhал5аларын толуйар кыа5а суо5а, булка килиэп сыаната 14 солкуобайга тэннэhэрэ.


    Улахан дьиэ кэргэн тапталлаах а5ата, элбэх сиэн, хос сиэн амарах эhэтэ, хос эhэтэ аал уоту оттунан, алаhа дьиэни тэринэн, биэс о5ону теретен, иитэн, yерэттэрэн, ыал онортоон Мария Егоровналыын иллээхтик-эйэлээхтик да олорбуттара. Таайым, Николай Семенович оло5ун Саха сирэ сайдарын туhугар анаабыт киhи, дьиннээх yлэhитинэн, салайар дьо5урунан, талаанынан ылбыт аата-суола умнуллуо суохтаах, yрдyк билиилээх салайааччы быhыытынан, дьонно-сэргэ5э yтyе-мааны сыhыанынан, yлэ5э холобурунан, ирдэбилинэн республикабыт уонна Нам улууhун нэhилиэнньэтин махталын, ытыктабылын ылыа5ын ылбыта, кининэн киэн туттабын, yтye5э такайбыт кyндy киhибин, таайбын Николай Семенович Охлопковы хаhан да умнуом суо5а, ерyy ейдyy-саныы сылдьыа5ым, кини туhунан сырдык ейдебyл мэлдьи баар буолуо.

    Кyндy санаспар Мария Егоровна5а, эдьиийдэрбэр Марианна Николаевна5а, Екатерина Николаевна5а, бырааттарбар Егор Николаевичка, Ньургустан Николаевичка биhиэхэ, миэхэ, атын да аймахтарбытыгар кемe5yт, ейебyлгyт иhин, дьоhуннаах сyбэ5ит-ама5ыт, эйэ5эс сыhыанныт иhин сyhyехтээх бэйэм сyгyрyйэбин, махтал истин тылларын эhиэхэ этэбин. Кyндy санаспар, Мария Егоровна5а сир yрдyгэр баар бары yтyенy, эн иннигэр хаhан да телерyйбэт иэстээхпин ейдеен-санаан тураммын, эйиэхэ куруутун сэнэх сылдьаргар, доруобуйа5ын харыстанан, ессе да барыбыт yерyyтyгэр уhун оло5у ба5арабын. Мин эйиигиннэн киэн туттабын уонна таптыыбын, ахтабын.
    Ахтыыны онордо Охлопков Н.С.
    балта Дьяконова (Соловьева) Н.П.



    экспозиции музея: 1 | 2 | 3 | 4 | 5 | 6 |


    • Хостинг от uCoz